Har Kahani Adhuri Si Kyu Lagti Hai...!!!

Katra katra bikhar kar
Har bar judi hu...
Jud ke phirse
Katra katra bikhri hu...
Katre ki ek zameen par tiki hai zindagani...
Ek dhadkan jagi hai
Mili hai ek nayi si kahani

Dil me dard ab bhi uthta hai
Darr se kapkapati hai rooh
Akele jab ek lamha bhi hoti hu toh...
Kanch ki tarah bikhrti hu
Ek sahare ki umeed me main
Galiyon galiyon se guzarti hu
Khud par aake jab rukti hu toh
Saans ki dor bhi tuti si lagti hai...
Ghutan si khudke jism me
Ye kyu anjani si lgti hai

Jab akeli hoti hu me...
Kyu ghutan si lagti hai...
Katra katra ye kahani bhi
Adhuri si kyu lagti hai... :')

~ Sanjhi